အလုပ်သမားငါးဆယ်ကျော်ပြန်လာဦးမည်
■ တရုတ်နိုင်ငံ မန်စီမြို့မှာရှိနေတဲ့ သစ်ခွစက်ရုံက မြန်မာအလုပ်သမား ၅၀ ကျော်ကို မြန်မာသံရုံး အစီအစဉ်နဲ့ မနက်ဖြန်မှာ မြန်မာနိုင်ငံကို ပြန်ပို့ပေးမယ်လို့ သိရပါတယ်။ ဝူဟန်မြို့က စတင်ခဲ့တဲ့ ကိုရိုနာဗိုင်းရပ်စ်ဟာ တရုတ်နိုင်ငံ မြို့နယ်တော်တော်များများမှာ ပြန့်ပွားနေပြီး သေဆုံးသူ ရာနဲ့ချီနေပြီဖြစ်တာကြောင့် ဒီအလုပ်သမားတွေဟာ မနေရဲတော့ဘဲ မြန်မာနိုင်ငံကို ပြန်ချင်ကြတာလို့ ပြောပါတယ်။ အလုပ်ရှင်က ပြန်ခွင့်ပေးပေမယ့် အလုပ်ကာလ သတ်မှတ်ထားတဲ့ ၆ လပိုင်းမတိုင်ခင် ပြန်တာကြောင့် အလုပ်သမားတစ်ယောက်ဟာ မြန်မာငွေ ၂ သိန်းကျော် ဖြတ်တောက်ခံရတယ်လို့လည်း မနက်ဖြန် ပြန်လာမယ့် အလုပ်သမား ကိုအောင်ဇေရဲဝင်းက ပြောပါတယ်။ အဲဒီစက်ရုံမှာ မြန်မာအလုပ်သမားအယောက် ၁၀၀ ကျော်ရှိပေမယ့် ပြန်ချင်တဲ့ အလုပ်သမား ၅၀ ကျော်လောက်ရှိပြီး ကျန်တဲ့သူတွေကတော့ မပြန်ချင်လို့ ကျန်နေခဲ့ကြတယ်လို့ သိရပါတယ်။ နေရပ်ပြန်ချင်လို့ မြန်မာသံရုံးကို ဆက်သွယ်လာသူတချို့ဟာ တရားမဝင် အလုပ်လုပ်နေသူတွေ များပြီး မြန်မာနိုင်ငံကို ပြန်ဖို့အခက်အခဲဖြစ်နေတာကြောင့် အကူအညီတောင်းတဲ့အကြောင်း၊ ဒါတွေကို ပြည်နယ် ရဲတပ်ဖွဲ့တွေနဲ့ ချိတ်ဆက်ပြီး ဆောင်ရွက်ပေးနေတဲ့အကြောင်း၊ တရုတ်နိုင်ငံ ဘေဂျင်းမြို့ မြန်မာသံရုံး ဒုတိယအတွင်းဝန် ဦးစိုးပြည့်ဝင်းက RFA ကို ဇန်နဝါရီ ၃၁ ရက်က ဖြေကြားထားပါတယ်။ တရုတ် - မြန်မာနယ်စပ်ဂိတ်တွေကနေလည်း အခုဆိုရင် နေရပ်ပြန်လာတဲ့ မြန်မာလုပ်သားတွေ နေ့စဉ် ရာနဲ့ချီ ရှိနေပါတယ်။ နယ်စပ်ဂိတ်တွေကို ယာယီပိတ်တာ၊ အဝင်အထွက် လျှော့ချတာတွေ မလုပ်ဘဲ အခုချိန်မှာ ဝင်ထွက်သွားလာသူတွေကို ကျန်းမာရေးစစ်ဆေးပေးနေပြီး လိုအပ်ရင် စောင့်ကြည့်တာတွေ ဆောင်ရွက်ပေးနေပါတယ်။ တရုတ်နိုင်ငံအပါအဝင် နိုင်ငံပေါင်း ၂၃ ခုမှာ ကိုရိုနာဗိုင်းရပ်စ် ကူးစက်ခံရသူ အရေအတွက်ဟာ တစ်သောင်းလေးထောင်ကျော်ရှိနေပြီး သေဆုံးသူ ၃၀၀ ကျော် ရှိနေပါပြီ။ သေဆုံးသူတွေဟာ တရုတ်ပြည်မှာပဲဖြစ်ပြီး မနေ့ကတော့ ဖိလစ်ပိုင်ရောက်နေတဲ့ ဝူဟန်မြို့သားတစ်ယောက် ကိုရိုနာဗိုင်းရပ်စ်နဲ့ သေဆုံးသွားတယ်လို့ နိုင်ငံတကာသတင်းတွေမှာ ဖော်ပြကြပါတယ်။ - Unicodeမြန်မာလုပ်သား ၅၀ ကျော် မြန်မာပြန်ပြန်လာမည်
■ တရုတ်နိုင်ငံ မန်စီမြို့မှာရှိနေတဲ့ သစ်ခွစက်ရုံက မြန်မာအလုပ်သမား ၅၀ ကျော်ကို မြန်မာသံရုံး အစီအစဉ်နဲ့ မနက်ဖြန်မှာ မြန်မာနိုင်ငံကို ပြန်ပို့ပေးမယ်လို့ သိရပါတယ်။ ဝူဟန်မြို့က စတင်ခဲ့တဲ့ ကိုရိုနာဗိုင်းရပ်စ်ဟာ တရုတ်နိုင်ငံ မြို့နယ်တော်တော်များများမှာ ပြန့်ပွားနေပြီး သေဆုံးသူ ရာနဲ့ချီနေပြီဖြစ်တာကြောင့် ဒီအလုပ်သမားတွေဟာ မနေရဲတော့ဘဲ မြန်မာနိုင်ငံကို ပြန်ချင်ကြတာလို့ ပြောပါတယ်။ အလုပ်ရှင်က ပြန်ခွင့်ပေးပေမယ့် အလုပ်ကာလ သတ်မှတ်ထားတဲ့ ၆ လပိုင်းမတိုင်ခင် ပြန်တာကြောင့် အလုပ်သမားတစ်ယောက်ဟာ မြန်မာငွေ ၂ သိန်းကျော် ဖြတ်တောက်ခံရတယ်လို့လည်း မနက်ဖြန် ပြန်လာမယ့် အလုပ်သမား ကိုအောင်ဇေရဲဝင်းက ပြောပါတယ်။ အဲဒီစက်ရုံမှာ မြန်မာအလုပ်သမားအယောက် ၁၀၀ ကျော်ရှိပေမယ့် ပြန်ချင်တဲ့ အလုပ်သမား ၅၀ ကျော်လောက်ရှိပြီး ကျန်တဲ့သူတွေကတော့ မပြန်ချင်လို့ ကျန်နေခဲ့ကြတယ်လို့ သိရပါတယ်။ နေရပ်ပြန်ချင်လို့ မြန်မာသံရုံးကို ဆက်သွယ်လာသူတချို့ဟာ တရားမဝင် အလုပ်လုပ်နေသူတွေ များပြီး မြန်မာနိုင်ငံကို ပြန်ဖို့အခက်အခဲဖြစ်နေတာကြောင့် အကူအညီတောင်းတဲ့အကြောင်း၊ ဒါတွေကို ပြည်နယ် ရဲတပ်ဖွဲ့တွေနဲ့ ချိတ်ဆက်ပြီး ဆောင်ရွက်ပေးနေတဲ့အကြောင်း၊ တရုတ်နိုင်ငံ ဘေဂျင်းမြို့ မြန်မာသံရုံး ဒုတိယအတွင်းဝန် ဦးစိုးပြည့်ဝင်းက RFA ကို ဇန်နဝါရီ ၃၁ ရက်က ဖြေကြားထားပါတယ်။ တရုတ် - မြန်မာနယ်စပ်ဂိတ်တွေကနေလည်း အခုဆိုရင် နေရပ်ပြန်လာတဲ့ မြန်မာလုပ်သားတွေ နေ့စဉ် ရာနဲ့ချီ ရှိနေပါတယ်။ နယ်စပ်ဂိတ်တွေကို ယာယီပိတ်တာ၊ အဝင်အထွက် လျှော့ချတာတွေ မလုပ်ဘဲ အခုချိန်မှာ ဝင်ထွက်သွားလာသူတွေကို ကျန်းမာရေးစစ်ဆေးပေးနေပြီး လိုအပ်ရင် စောင့်ကြည့်တာတွေ ဆောင်ရွက်ပေးနေပါတယ်။ တရုတ်နိုင်ငံအပါအဝင် နိုင်ငံပေါင်း ၂၃ ခုမှာ ကိုရိုနာဗိုင်းရပ်စ် ကူးစက်ခံရသူ အရေအတွက်ဟာ တစ်သောင်းလေးထောင်ကျော်ရှိနေပြီး သေဆုံးသူ ၃၀၀ ကျော် ရှိနေပါပြီ။ သေဆုံးသူတွေဟာ တရုတ်ပြည်မှာပဲဖြစ်ပြီး မနေ့ကတော့ ဖိလစ်ပိုင်ရောက်နေတဲ့ ဝူဟန်မြို့သားတစ်ယောက် ကိုရိုနာဗိုင်းရပ်စ်နဲ့ သေဆုံးသွားတယ်လို့ နိုင်ငံတကာသတင်းတွေမှာ ဖော်ပြကြပါတယ်။ - ZawgyiPhoto: Google Earth
(တရုတ်နိုင်ငံ မန်စီမြို့ကို တွေ့ရစဉ်) Source Facebook
Power 50 