မြန်မာ့နိုင်ငံရေးမှာ အငြိမ်းစားဗိုလ်ချုပ်မှုးကြီးသန်းရွှေရဲ့ ဩဇာအာဏာသက်ရောက်နေဆဲလားဆိုတာ

မြန်မာ့နိုင်ငံရေးလောကမှာ အငြိမ်းစားဗိုလ်ချုပ်မှုးကြီးသန်းရွှေရဲ့ ဩဇာအာဏာ မကုန်သေးဘူးလားဆိုတာ မေးစရာဖြစ်နေပါတယ်။ဘာလို့လည်းဆိုတော့

မြန်မာနိုင်ငံရဲ့ လက်ရှိအခြေခံ‌ဥပဒေဆိုတာ ဗိုလ်ချုပ်မှုးကြီးဟောင်းသန်းရွှေလက်ထက်မှာရေးဆွဲအတည်ပြုခဲ့တာဖြစ်ပြီး
အဲ့ဒီဖွဲ့စည်းပုံအခြေခံဥပဒေအရ တပ်မတော်သားကိုယ်စားလှယ် ၂၅ ရာခိုင်နှုံးဟာ လွှတ်တော်ထဲမှာ ရောက်ရှိနေရာယူထားခဲ့တာပါ။
ဒီဖွဲ့စည်းပုံကို ကာကွယ်ရေးအတွက် တပ်မတော်က အခိုင်အမာရပ်တည်နေခဲ့ပါတယ်။
အဲ့တာကြောင့်လက်ရှိနိုင်ငံရေးမှာ ဗိုလ်ချုပ်မှုးကြီးဟောင်းဦးသန်းရွှေရဲ့ လွှမ်းမိုးမှုဟာရှိနေတုန်းပဲလားဆိုတာမေးစရာဖြစ်နေပါတယ်။
“ဗိုလ်ချုပ်မှုးကြီးဟောင်းသန်းရွှေဟာ အငြိမ်းစားယူနေပေမဲ့ သူ့ရဲ့ ဩဇာအာဏာလွှမ်းမိုးမှုဟာရှိနေသေးတယ်”
လို့ ဉီးသန်းရွှေရဲ့ ပြန်ကြားရေးဝန်ကြီးဟောင်း ဦးရဲထွဋ်ကဆိုပါတယ်။ ဆက်လက်ပြီး တပ်မတော်နဲ့ ကြံ့ခိုင်ရေးသဘောထားမပါရင် ဒီဖွဲ့စည်းပုံကပြင်မရဘူးလို့လည်း ဦးရဲထွဋ်က အခိုင်အမာပြောဆိုပါတယ်။
ပြီးခဲ့တဲ့အပတ်က သူ့ရဲ့သားမက်ဖြစ်သူနာရေးလိုက်ပို့တဲ့
ဦးသန်းရွှေကို ဦးသိန်းစိန်အပါအဝင် တပ်မတော််အသိုင်းအဝိုင်း စစ်ခေါင်းဆောင်တွေက ရိုရိုသေသေနဲ့ ဝပ်တွားခယနေတာကိုလည်း အခုလိုမြင်ခဲ့ရပြီး
သာမာန်ထက်ပိုနေတဲ့လို့ဝေဖန်သူတွေရှိသလို တပ်မတော်ရဲ့ ပုံမှန်ဆက်စံရေးတစ်ခုလို့လည်း ပြောနေသူတွေရှိပါတယ်။
၇၅ ကျောင်းသားဟောင်း ဦးအောင်ကျော်ကတော့ တပ်မတော်ကို ဦးသန်းရွှေက ချုပ်ကိုင်နေတုန်းဆိုပြီး အကဲခပ်ပါတယ်။
တပ်က အင်္ဂလိပ်ရဲ့ဖွဲ့စည်းပုံဖြစ်ပြီး ဂျပန်ရဲ့ အမူအကျင့်ကိုယူထားသော မြန်မာလူမျိုးများဖြစ်တာကြောင့် ဒီလို တပ်မတော်သားတွေဟာအချင်းချင်းရိုသေနေတာပါလို့
နိုင်ငံရေးလေ့လာသူ ဒေါက်တာအောင်မျိုးက ဆိုပါတယ်။
ထူးခြားမှုတစ်ခုက နိုင်ငံတော်ရဲ့အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က လေးလေးစားစားနဲ့ ဝမ်းနည်းကြောင်းသဝဏ်လွှာပေးပို့မှုဟာ ဖွဲ့စည်းပုံအခြေခံဥပဒေပြင်ဖို့အတွက် ဦးသန်းရွှေနဲ့ပြေလည်မှ ပြင်လို့ရမယ်ဆိုပြီး ဒေါ်အောင်ဆန်းစုကြည်ရဲ့ ရေးလှည့်ကွက်လေအလားသုံးသပ်မှုတွေရှိနေခဲ့သလို ပုံမှန်ဆက်ဆံရေးတစ်ခုအနေနဲ့သာ ပေးပို့ခြင်းလို့လည်း တုန့်ပြန်မှုတွေ ဖြစ်ပွားခဲ့ပါတယ်။
Design a site like this with WordPress.com
Get started