Breaking News: တိဘက်မှလွဲ၍တရုတ်တစ်နိုင်ငံလုံးကူးစက်သွားပြီဖြစ်ပြီးရောဂါကူးစက်မှုဟာတရှိန်ထိုးဆိုးရွားစွာပြန့်နှံနေဟုရှီကျင်းဖိန်ကိုယ်တိုင်ထုတ်ပြော

စနေနေ့မှာ စတင်တဲ့ တရုတ်နှစ်သစ်ကူးပွဲတော်ကို အရိပ်မည်း ဖုံးလွှမ်းစေတဲ့ ဝူဟန်ဗိုင်းရပ်စ်လို့လည်း ခေါ်ကြတဲ့ ကိုရိုနာဗိုင်းရပ်စ်ပိုးသစ်ကြောင့် သေဆုံးသူ ၅၆ ဦး ရှိလာတာကြောင့် သမ္မတရှီကျင့်ဖျင်အနေနဲ့ စိုးရိမ်ဖွယ်ရာ အခြေအနေမျိုးကို ရင်ဆိုင်နေရပါတယ်။နိုင်ငံအနှံ့ ကူးစက်သူပေါင်း ၁၉၇၅ ဦး ရှိနေပြီဖြစ်တဲ့ ဒီ ကိုနာရိုနာဗိုင်းရပ်စ် မပြန့်ပွားအောင် ခရီးသွားလာရေး တင်းကြပ်မှုတွေ ထပ်မံချမှတ်မယ်လို့ တရုတ်အာဏာပိုင်တွေက ကြေညာထားပါတယ်။

ဟောင်ကောင်မှာဆိုရင် ဒီဗိုင်းရပ်စ်ပိုးကြောင့် အရေးပေါ်အခြေအနေ ကြေညာထားပြီဖြစ်ပြီး ပွဲလမ်းသဘင်တွေကိုလည်း လျှော့ချပစ်ကာ တရုတ်ပြည်မကြီးနဲ့ ဆက်သွယ်ရေးသွားလာမှုတွေကို ကန့်သတ်ထားပါတယ်။ဒီ ဗိုင်းရပ်စ်ကြောင့် အလန့်တကြား အထိတ်တလန့် ဖြစ်ရအောင် ကမ္ဘာအနှံ့က အာဏာပိုင်တွေက ကြိုးစားနေပေမယ့် စနေနေ့က ဩစတြေးလျမှာ ဒီ ဗိုင်းရပ်စ်ပိုး ပထမဆုံး ကူးစက်သူ တွေ့ရှိသလို မလေးရှားမှာလည်း လေးဦး ကူးစက်သူ ရှိကာ ဥရောပမှာဆိုရင် ပထမဆုံးအဖြစ် သောကြာနေ့က ပြင်သစ်မှာ တစ်ဦး တွေ့ရှိခဲ့ပါတယ်။ရောဂါစတင် ပေါ်ပေါက်တဲ့ တရုတ်၊ ဝူဟန်မြို့ကနေ နိုင်ငံသားတွေနဲ့ သံတမန်တွေကို လေယာဉ်စင်းလုံးလိုက်နဲ့ ပြန်လည်ခေါ်ယူဖို့ အမေရိကန်က စီစဉ်နေတယ်လို့ Wall Street Journal က ဖော်ပြပါတယ်။ဟောင်ကောင်မှာ ကူးစက်သူ ငါးဦး ရှိပြီး ခေါင်းဆောင် ကာရီလမ်းက မြို့နဲ့ ဝူဟန်ကြားက လေယာဉ်ပြေးဆွဲမှုတွေနဲ့ အမြန်ရထားတွေကို ရပ်နားထားမယ်လို့ ပြောပါတယ်။ ဟောင်ကောင်က စာသင်ကျောင်းတွေကတော့ လက်ရှိ တရုတ်နှစ်ကူး အားလပ်ရက်တွေကြောင့် ဖေဖော်ဝါရီ ၁၇ ရက်အထိ ပိတ်ထားမှ ဖြစ်ပါတယ်။

အရှိန်မြင့် ပြန့်ပွားနေတဲ့ ဒီ ဗိုင်းရပ်စ်ပိုးကို တိုက်ဖျက်ဖို့ လုပ်ငန်းစဉ်တွေအရေး စနေနေ့မှာ သမ္မတ ရှီကျင့်ဖျင်ဟာ ပေါလစ်ဗျူရိုအစည်းအဝေး ခေါ်ယူခဲ့ပါတယ်။တောရိုင်းတိရစ္ဆာန်တွေ တရားမဝင် ရောင်းချတဲ့ ဝူဟန်က ပင်လယ်စာဈေးကနေ ပြန့်နှံ့ပုံရတဲ့ ကိုရိုနာဗိုင်းရပ်စ်ပိုးသစ်ဟာ ထိုင်း၊ ဗီယက်နမ်၊ ဂျပန်၊ တောင်ကိုရီးယား၊ ထိုင်ဝမ်၊ နီပေါနဲ့ အမေရိကန်တွေမှာလည်း ကူးစက်ပြန့်နှံ့နေပါတယ်။ယခုအခါတိဘက်မှလွဲ၍တရုတ်တစ်နိုင်ငံလုံးကူးစက်သွားပြီဖြစ်၊ရောဂါကူးစက်မှုဟာတရှိန်ထိုးဆိုးရွားစွာပြန့်နှံနေဟုရှီကျင်းဖိန်ကိုယ်တိုင်ထုတ်ပြောခဲ့တာပဲဖြစ်ပါတယ်။

Published by POWER 50 LAW BLOG